Алматы қаласында WorldSkills Almaty өңірлік чемпионаты өтті. Аталған байқау әртүрлі оқу орындарынан келген дарынды жастар мен болашақ мамандардың басын қосты.

Жарыста біздің қатысушылар ерекше көзге түсіп, жоғары дайындық деңгейін, кәсібилігін және шығармашылық қабілеттерін көрсетті. Чемпионат қорытындысы бойынша екі құзыреттілік бағытында бірінші орындар иеленді:

«Сән технологиясы» — қатысушы Екатерина Фомина (жетекшісі — Анна Алексеевна Юдинна);
«Цифрлық модельдеу» — қатысушы Эльвира Маралбаева (жетекшісі — Зарина Маратовна Джумагалиева).

Сонымен қатар, «Автомеханика» құзыреттілігі бойынша қатысушылар кәсібилігі үшін медальонмен марапатталды.

Сарапшылар қатысушылардың тек техникалық дағдыларын ғана емес, сонымен қатар заманауи құралдармен жұмыс істеу қабілетін, тапсырмаларды креативті түрде шешуін және халықаралық стандарттарды сақтауын жоғары бағалады.

Біздің қыздарымыздың жеңісі — бұл табанды еңбектің, жетекшілердің қолдауы мен үздік болуға деген ұмтылыстың нәтижесі. Олардың жетістігі кәсіби білім беруді дамытуға қосылған маңызды үлес болып табылады.

Жеңімпаздарды құттықтаймыз және алдағы жарыстарда сәттілік тілейміз!